«Մուտք կրթահամալիր» հունիսյան ճամբար

Հունիսի 11-15-ը «Մխիթար Սեբաստացի» կրթահամալիրի տեխնոլոգիական կրթության Միջին դպրոցում մեկնարկում է ընդունելության մուտքի ճամբար:

Մուտքի ճամբարը նպատակ ունի նոր ընդունվող սովորողներին ներառելու հեղինակային կրթական ծրագրում՝ ծանոթացնելու դպրոցում ուսումնական գործի կազմակերպման առանձնահատկություններին, ուսուցման միջավայրին, ուսուցման համար անհրաժեշտ հմտություններին, անհատական գործիքներին։

Ճամբարը նախատեսված է բոլոր այն ոչ սեբաստացի պատանիների համար, ովքեր ուզում են սովորել «Մխիթար Սեբաստացի» կրթահամալիրի Միջին դպրոցում:

Ճամբարականների անհրաժեշտ մեդիահմտությունների ուսուցումը և ներառումը կազմակերպվելու է «Սովորող-սովորեցնող» նախագծով:

Միջին դպրոցի ջոկատի գործունեությունը ընդգրկում է.

• առավոտյան ընդհանուր պարապմունքի միջոցով պարերգի ուսուցում
• շրջակա միջավայրի խնամք, պարտիզա-պուրակային ամենօրյա գործունեություն
• համակարգչային ծրագրեր, բլոգավարություն
• ուսումնական պլանով որոշված՝ սովորողի ընտրությամբ գործունեություն  (ընտրության ցանկի, գործունեության միջավայրի ներկայացում, ընտրություն):
• տեխնոլոգիա
• սովորողի ընտրությամբ մարզաձև (ընտրության ցանկի ներկայացում, ընտրություն)
• օրվա լուսաբանում՝ պատումով, ռադիոնյութով, տեսանյութով
• անհատական ուսումնական պլանի կազմում:

Ճամբարն ավարտվում է հայրենագիտական ճամփորդություն-բարձունքի հաղթահարմամբ։