«Մուտք կրթահամալիր» ճամբար

Մայիսի 27-ից  «Մխիթար Սեբաստացի» կրթահամալիրի Միջին դպրոցում գործում է մուտքի ճամբար՝ 2019-2020 ուստարում կրթահամալիր տեղափոխվելու ցանկություն ունեցող սովորողների համար։

Մուտքի ճամբարի նպատակն է Միջին դպրոցում սովորել ցանկացողներին ծանոթացնելու դպրոցում իրականացվող հեղինակային կրթական ծրագրին, ուսումնական գործի կազմակերպմանը, ուսումնական միջավայրին, ուսուցման համար անհրաժեշտ հմտություններին, անհատական գործիքներին՝ հնարավորություն տալով մասնակցին ներկայանալու։

Ճամբարը կազմակերպվում է ուսումնական նախագծերով, այդ թվում՝

• «Սովորող-սովորեցնող». համակարգչային ծրագրերի, բլոգավարության ուսուցում
• առավոտյան ընդհանուր պարապմունքի
• շրջակա միջավայրի խնամքի, պարտիզա-պուրակային գործունեության
• ուսումնական պլանով որոշված՝ սովորողի ընտրությամբ գործունեության  (ընտրության ցանկի, գործունեության միջավայրի ներկայացում, ընտրություն):
• տեխնոլոգիական
• մարզական-ակումբային
• օրվա լուսաբանման՝ պատումով, ռադիոնյութով, տեսանյութով
• հայրենագիտական ճամփորդության-բարձունքի հաղթահարման։