Ջրվեժյան պատմություն

Այսօր՝ ամսի 25-ին, շատ ցուրտ եղանակ էր: Արևը չէր երևում: Միս Բուշի և ընկեր Հասմիկի ջոկատներով օրը անցկացրեցինք շատ զվարճալի և ուրախ:

Ժամը 10:00-ին ուղևորվեցինք դեպի Ջրվեժի արգելոց:  Այնտեղ եղանակը արդեն ավելի տաք էր, Երևանում -12  էր, Ջրվեժում` -7:  Պայծառ էր: Ձյունը շատ մաքուր էր, և հանգիստ կարելի էր պառկել ձյան վրա, եթե չէինք վախենում թրջվելուց:

Շատ ուրախ ժամանակ անցկացրեցինք. քշեցինք դահուկ և սահնակ, աղջիկները ձյան վրա հատուկ ներկերով նկարում էին: Ընկեր Միքայելը և ընկեր Գևորգը մրցումներ անցկացրեցին՝ ամենաարագ սահնակ քշողը, ամենահեռու սահողը, ամենադիմացկունը:

Մրցումներից հետո մենք նստեցինք սահնակերի վրա  և ճաշեցինք: Բոլորս շատ հոգնած էինք:

Հանգստից հետո շարունակեցինք մեր զվարճանքները:

Հավաքվեցինք և նստեցինք երթուղային: Ամբողջովին թրջված, բայց ուրախ՝ մենք ուղևորվեցինք դեպի դպրոց: