Հունիսյան փառատոնային երկրորդ օրվա ֆոտոքրոնիկոն

Բակային աշխատանքներ Միջին դպրոցում։

Միջին դպրոցի դասավանդողները պատրաստում էին գեղեցիկ աշխատանքներ Խեցեգործարանում, իսկ Ավագ դպրոցի սովորողները զբաղված էին Արտ-միջավայրի՝ ավելի բարեկարգ ու ոճային միջավայրի ստեղծման աշխատանքներով՝ արտ-նկարչական գրաֆիկական լուծումներով ոճավորելով շինությունների առանձին հատվածները։

Թատերական փառատոնի շրջանակում Գեղարվեստի դպրոցի հարավային հարթակում վարպետության դաս անցկացրեց Ախալքալաքի «Պույ-պույ» տիկնիկային թատրոնի ղեկավար Սամվել Խոդիկյանը, ով պատմեց իր գործունեության մասին, ծանոթացրեց ներկաներին տիկնիկների հետկուլիսյան կյանքին և տիկնիկներ պատրաստելու տեխնիկան բացատրեց։ Ի դեպ, Ս․ Խոդիկյանը մոտ յոթանասուն տիկնիկների հեղինակ է, իսկ մյուսները դեռ պատրաստման ընթացքի մեջ են։

Իսկ «Սեբաստիա» համերգասրահում «Մեկ կադր, մեկ հայացք» ուսումնական կինո-ֆոտո փառատոնի շրջանակում ցուցադրվեց Համո Բեկնազարյանի «Տունը հրաբխի վրա» հայկական համր ֆիլմը՝ կենդանի երաժշտության նվագակցությամբ, ինչը ֆիլմի մատուցման նոր ու հետաքրքիր տարբերակ էր։