Եթե ոչ ոք չիմանար՝ ինչ բան է սուտը․․․

Մի պահ պատկերացրեք` ի՞նչ կլիներ, եթե ոչ ոք չիմանար` ինչ բան է սուտը: Միայն պատկրերացրեք, թե ինքան մարդ կգտներ իր իրական երջանկությունը, իր իրական ընկերներին: Հանցագործերն ու մարդասպանները կձերբակալվեին: Բայց նաև կան բացասական կողմեր. որոշ ընտանիքներ կքանդվեին, ամուսինները կբաժանվեին: Բայց կարծում եմ` հենց դա է ճիշտը, որովհետև չի կարելի ստի մեջ ապրել: Ազնվությունը արժեքավոր զգացում է, որը ոչ բոլորը ունեն և կարող են ունենալ: Հարաբերությունների մեջ ամենակարևոր ու գնահատվող բանը ազնվությունն է: Երբեմն, մարդիկ շատ փակ են լինում ու չեն կիսվում շրջապատի հետ: Մարդի՛կ, եղեք ազնիվ ու ազատ: Եթե սիրում եք, ասե’ք, մի’ վախեցեք խոստովանել: Շատ հնարավոր է` ձեր ընտրյալը միայն ձեր մասին է մտածում: Միգուցե, ձեր անկեղծ խոստովանությունը փոխի երկուսիդ կյանքի ընթացքը: Եթե լինեք ազնիվ, ինքներդ կզգաք ինչպես կյանքը կժպտա ձեզ:

Նյութի աղբյուրը՝ Մարիամ Մայիլյանի բլոգ
Լուսանկարը՝ Անի Սարգսյանի