Այսօր՝ փետրվարի 10-ին, կրթահամալիրի «Հարթակ» ակումբի հյուրն էր Հայաստանում Վրաստանի արտակարգ և լիազոր դեսպանի տիկին՝ Եկատերինա Բաքրաձեն: Հանդիպմանը ներկա էինք նաև մենք՝ Միջին դպրոցի սաներս, ինչպես նաև կրթահամալիրի Ավագ դպրոցի Վրացախոսների ակումբը: Ծափողջույններով դիմավորեցինք մեր հյուրին: Հանդիպումը բաժանված էր երեք մասի: Սկզբում ներկաները հնչեցրին բազմաբնույթ հարցեր՝ լսելով հետաքրքիր պատասխաններ: Տիկին Բաքրաձեն մեզ պատմեց
իր մանկությունից, կյանքից, իր ընտանիքից և ընտրած մասնագիտություններից, գործունեությունից: Այն հարցին, թե ո՞րն է իր սիրած վայրը մեր երկրում, նա պատասխանեց. «Հայաստանում կան շատ տեսարժան վայրեր. առանձնապես գեղեցիկ է Գառնի Գեղարդը, իսկ Երևանում ամենասիրելի վայրերն են՝ Հյուսիսային պողոտան և Սիրահարների այգին»:
Տիկին Բաքրաձեն առանձնապես տպավորված էր նաև մեր կրթահամալիրի ջերմ և տրամադրող միջավայրով, որտեղ սովորողները ունեն մտքի, խոսքի ազատություն: Նա խոսեց նաև հայ-վրացական փոխգործակցային հարաբերությունների մասին և նշեց, որ ցանկալի կլինի այն շարունակական բնույթ կրի՝ հագեցած նոր ու հետաքրքիր ծրագրերով: Հարց ու պատասխան մտերմիկ զրույցը ամփոփվեց միասնական երգով: Իսկ հանդիպման մյուս հատվածում սպասվում էր «համեղ» անակնկալը. տիկին Բաքրաձեին հյուրասիրվեց վրացական խոհանոցի համեղ ուտեստներ: Դեսպանի տիկինը շատ տպավորված էր ու հիացած այս հանդիպումից, որը նպաստավոր հարթակ դարձավ ապագայում հայ-վրացական փոխգործակցությունն ու կրթական փորձի փոխանակումը առավել արդյունավետ դարձնելու համար:
Նյութի հեղինակ՝ Շուշան Հակոբջանյան, 8-4 դասարան:
1 thought on “Հանդիպում տիկին Բաքրաձեի հետ”