Փառատոնային ճամբար. օր առաջին

Միջին դպրոցում փառատոնային ճամբարի առաջին օրն անցավ հագեցած` ընդգրկելով ճամբարի բոլոր ուղղությունները։

Իհարկե, կիզակետում մաթեմատիկայի ուսուցիչ Մենուա Հարությունյանի և նրա ընտրյալ Հայարփիի ծիսական հարսանիքի պատրաստությունն էր։

Առավոտյան հարսանեկան նախապատրաստական մաքրություն կատարվեց Միջին դպրոցի բակում և շենքի ներսում։

Նյութը՝ Վարսինե Մակարյանի բլոգում

Ռիմա Երեմյանի համակարգմամբ մեկնարկեց Միջին դպրոց ընդունվող սովորողների «մուտքի ճամբարը»։

Ունեցանք նախատոնական հանդիպում-քննարկում կրտսեր դպրոցների ներկայացուցիչների, կրթահամալիրի երաժիշտների հետ` նվիրված հունիսի 17-ին տեղի ունենալիք ծիսական հարսանիքին։

Քոլեջում պատրաստվում են հարսի զգեստի համար անհրաժեշտ ծիսական դետալները։ Այսօր Հայարփին ներկա գտնվեց պատրաստման գործընթացին։

Պարուսույց Մերի Գարեգինյանի հետ միասին սովորեցինք հարսանեկան պարեր։

Իսկ ստորև ներկայացվող նկարներում արտացոլված է մաթեմատիկական ճամբարի առօրյան։

Այսպիսով` Միջին դպրոցում փառատոնային շաբաթը մեկնարկեց տոնական տրամադրությամբ,խնդությամբ և ծիսական-հարսանեկան ոգևորությամբ։