Մանկավարժական նորարարության գարնանային բաց ճամբարը Մայր դպրոցում

Մանկավարժական նորարարության բաց ճամբարն իր բնականոն ընթացքի մեջ է: Առավոտյան ընդհանուր պարապմունքին մեզ հետ  ներկա էին Բյուրականից ժամանած մանկավարժներ, որոնք եկել են ծանոթանալու կրթահամալիրյան նախագծերին, մասնակցելու բաց ճամբարին:

Նոր երգերի ուսուցմամբ, արդեն ծանոթ երգերի ու պարերի կատարմամաբ, ինչպես նաև կրթահամալիրի տնօրենի հայտարարություններով անցավ պարապմունքը:

Նախագծային մի շարք աշխատանքներով  շարունակվեց օրը: Հասցրի նկատել հեծանվային գործունեությամբ զբաղվող եկարացված օրվա կազմակերպիչների, ինչպես նաև կրթահամալիրում վերապատրաստվող մասնագետների:

Նախատեսված ժամին կայացավ նաև Նվարդ Սարգսյանի գործնական պարապմունքը, որին մասնակցում էին կրթահամալիրի մի շարք դասավանդողներ:

Կրթահամալիրի «Տիգրան Հայրապետյան» գրադարանում միջին դպրոցի սովորողների նախաձեռնությամբ տեղի ունեցավ քաղաքագիտական դասընթաց, որի մասնակիցներն հենց իրենք էին՝ սովորողները, ինչպես նաև պատմության դասավանդողներ և քաղաքագետ:

Դե իսկ մեր օրը ճամբարում ավարտվեց հայրենագիտության ակումբում, որտեղ ընկեր Կարինեի հետ միասին ներկեցինք ակումբի խողովակները:

Օրվա անցուդարձին կարող եք տեղեկանալ վիդեոնյութում: