Կենսահումուսի արտադրության, Կալիֆորնիական կարմիր որդերի բազմացման, ինչպես նաև բույսերի աճեցման համար նախատեսված տարբեր հողախառնուրդների պատրաստման ուսումնական արտադրամաս-լաբորատորիա հիմնելու ծրագիր
Նախատեսվում է Արևմտյան դպրոց-պարտեզի նկուղներից մեկում Ագարակի ձիերի և պոնիների գոմաղբի օգտագործմամբ կազմակերպել կենսահումուսի արտադրություն, որի արդյունքում կստանանք բարձր բերքատվություն ապահովող օրգանական պարարտանյութ, որը լայն կիրառում ունի հողագործության և սենյակային բույսերի աճեցման ոլորտում: Արտադրության ընթացքում ինքնաբերաբար բազմանում են կենսահումուս արտադրող Կալիֆորնիական կարմիր որդերը, որոնց կարելի է վաճառել կամ օգտագործել որպես բարձր կալորիականություն ունեցող անասնակերային հավելիչ:
Արտադրությունը ոչ մի բարդություն չունի: Որդերը ապրում և բազմանում են պարբերաբար խոնավեցվող, ցելոֆանով ծածկված գոմաղբի երկարաձիգ կույտերի մեջ, խավարում, միայն ջերմաստիճանը պետք է շատ ցածր չլինի: Կենսագործունեության արդյունքում ստացվում է պատրաստի արտադրանք, որը պետք է պարզապես փաթեթավորել ու վաճառել:
Գործն ավարտած որդերին տեղափոխում են այլ կույտի մեջ, կամ ավելցուկի դեպքում իրացնում են կենդանի կամ չորացրած ու աղացած տեսքով:
Արտադրությունը կարելի է կազմակերպել ինչպես նկուղի հատակին ցելոֆաններ փռելով, այնպես էլ հատուկ պատրաստված, իրար վրա դրվող արկղերի մեջ:
Ի դեպ, հետագայում կարելի է մտածել արևմուտքում լայն կիրառում գտած կենսահումուսի տնային արտադրության սարքեր արտադրելու մասին, որոնցում կենսահումուսն արտադրում են նույն որդերը, բայց խոհանոցային մնացուկներ ուտելով:
Բիոհումուսի կիրառմամբ կարելի է պատրաստել, փաթեթավորել ու վաճառել տարբեր բույսերի համար նախատեսված հողախառնուրդներ:
Սովորաբար հողախառնուրդներում տարբեր համամասնությամբ կիրառվում եմ հետևյալ ոչ թանկ բաղկացուցիչները՝
- բիոհումուս
- կարմիր ավազ
- գետի ավազ
- սևահող
- ճիմահող
- տորֆ
- պերլիտ
Նախագիծը՝ Կարապետ Ռուբինյանի
Նկարը՝ վերցված է համացանցից:
Հետաքրքիր է․․․
Սահյանական ընթերցումներ
My Favorite Musical Instrument
Սահյանական ընթերցումներ