Իզմիրի տիեզերագիտական ճամբարը

Օր 1

Ահա և առաջին օրը տիեզերագիտական ճամբարում: Այդ օրը ծանոթացանք ճամբարի տարածքին և կանոններին: Այստեղ ծանոթացանք մեր նոր ընկերների հետ և միասին տարբեր խաղեր խաղացինք: Տիեզերագիտական ճամբարը շատ հետաքրքիր գաղտնիքներ բացեց մեզ համար և ցույց տվեց տիեզերքի իրական պատկերը: Ամեն օր մենք բացահայտում էինք նորանոր գաղտնիքներ:

Օր 2

Գաղտնիքների բացահայտումը սկսվեց երկրորդ օրվանից: Մենք բարձրացանք միկրոգրավիտացիոն պատի վրա: Դրանից հետո քննարկում էինք, թե ինչ կարևոր կառույցներ պետք կլինեն Մարս մոլորակը բնակեցնելուց հետո: Մեր՝ «Երկիր» թիմը որոշեց այսպես՝ Մարս մոլորակը պետք է ունենա գիտության կենտրոն, կառավարության շենք, հյուրանոց, ոստիկանության վարչություն և ֆերմերային պլանտացիա: Որոշելուց հետո, համակարգչային եռաջափ ծրագրերով սկսեցինք պատկերել մեր որոշած կառույցները: Հետո մեզ ցույց տվեցին ներկայացում այն մասին, թե մարդիկ ինչ սարքեր և հրթիռներ էին ստեղծել ժամանակի ընթացքում:

Օր 3

Մեր խմբին հանձնարարված էր պատրաստվել տիեզերանավի փորձնական գործողություններին: Խմբի յուրաքանչյուր անդամի դերը շատ կարևոր էր այդ գործողությունների մեջ: Մեր գործողությունների նպատակը հետևյալն էր՝ սկսել տիեզերանավի թռիչքը, հետևել փորձերի արդյունքներին տիեզերքում և վայրէջք կատարել: Այս գործողությունների մեջ կարևոր էր հետևել ժամանակին, կարդալ և հրամանները կատարել ճիշտ հերթականությամբ: Փորձնական գործողությունները վերջացնելուց հետո գնացինք, այսպես կոչված, «Մարս մոլորակի» սենյակ: Այնտեղ մենք հետազոտեցինք Մարս մոլորակը և բացահայտեցինք մոլորակի՝ մինչ այսօր հայտնաբերած բոլոր գաղտնիքները:

Օր 4

Այս օրը շատ կարևոր օր էր մեր խմբի համար, որովհետև երրորդ օրվա փորձնական փուլը պետք է դառնար գործնական: Մենք աշխատեցինք ինչպես մեծ թիմ՝ հետևելով ժամանակին և, մյուս անդամների համար, կարդալով հրամանները : Հաջող ավարտեցինք գործողությունները և արդյունքում տիեզերանավը վայրէջք կատարեց: Հետո գնացինք հրթիռների պատրաստման սենյակ և սկսեցինք պատրաստել մեր հրթիռները:Այդ օրը ցույց տվեցինք մեր Մարս մոլորակի կառույցները, որոնք պատրաստել էինք երկրորդ օրը: Օրվա վերջում ներկայացրեցինք Հայաստանը՝ ազգագրական պար «Քերծի»-ով, երգով:

Օր 5

Այս օրն ուսումնասիրեցինք համաշխարային տիեզերական կայանը և դրա օրինակով ստեղծեցինք մեր դիզայնով կայանը: Ապա տեղեկություններ ստացանք տիեզերագնացների հագուստի մասին, իմացանք, թե ինչ սարքեր է իր մեջ ներառում հագուստը և փոքրիկ ներկայացման ժամանակ տեղեկացանք, թե ինչպիսի նոր տեսակներ կան:Ապա մենք փորձեցինք «360» սիմուլյատորը: Մենք պետք է ինքներս մեզ պտտեինք սարքի մեջ, ինչպես տիեզերագնացները տիեզեզերքում: Դրանից հետո գնացինք մեր պատրաստած հրթիռների թռիչքի համար նախապատրաստված վայրը: Թռիչքների ընթացքում հավանականությունը հրթիռի անհետացման շատ բարձր է, բայց իմ հրթիռը գտնվել էր, այն այդքան բարձր չէր թռչել և շատ արագ գտնվեց: Երեկոյան մեզ սպասվում էր «Խորովածի երեկոն», որի ընթացքում շատ պարեցինք և ուրախացանք:

Օր 6

Ահա և վերջին օրը: Մենք ստացանք մեր վկայականները: Բացի այդ , որոշ խմբեր ստացան մրցանակներ, որոնց շարքում էր նաև իմ խումբը: Մենք մրցանակ ստացանք հետևյալ անվանակարգով՝ այն է՝ ամենալավ տիեզերական գործողություններ կատարելու համար: