Երաժշտական փառատոնի դասարանական հաշվետու համերգ․ օր երկրորդ

Այսօր, մայր դպրոցի Սեբաստիա համերգասրահում, երաժշտական փառատոնի շրջանակներում տեղի ունեցավ դասարանական հաշվետու համերգ։ Լուսինե Թարխանյանի և Հասմիկ Մաթևոսյանի սաները ելույթ ունեցան դաշնամուրային կատարումներով՝ ներկայացնելով տարբեր կոմպոզիտորների ստեղծագործություններ։

Երեխաները շատ տպավորիչ ելույթներ ունեցան՝ հուզմունքով, հաստատակամորեն, հստակ կողմնորոշված։ Ծնողները, մայրիկ-դասավանդողները սրտի թրթիռով հետևում և տեսանկարահանում էին իրենց տաղանդաշատ բալիկներին։ Իսկ մանկավարժ-երաժիշտների՝ օդի մեջ շարժվող մատներից, և սովորողների կատարման ժամանակ աչքը նրանցից չհեռացնելուց, կարելի էր զգալ նրանց հուզմունքն ու սերը, հոգատարությունն ու ակնկալիքները։

Երաժշտությունը սերտում են դասասենյակներում,
երաժիշտ դառնում՝ հրապարակներում։
Ռոմեն Ռոլան

Մանկավարժ-մայրիկների գեղեցկուհի և տաղանդաշատ դստրիկները։

Համերգի մասնակիցներին իր ներկայությամբ ոգևորեց տիար Բլեյանը։

Յոթերորդցի Նարեկի տաղանդավոր քույրիկը, և մեր վեցերորդցիները։