«Շրջիկ լրատու» նախագծի այսօրվա պատասխանատուներն են Մարինե Իշխանյանը և Մանե Բարսեղյանը:
Կազմ-պատրաստ՝ զինված բեյջերով ու թղթով, սկսեցինք շրջել ճամբարային տարբեր ջոկատներով և տեսնել, թե ինչ նախագծային աշխատանքներով են զբաղված: Դե, իհարկե, առաջինը սկսեցինք Լրագրողական ակումբի ջոկատից: Այստեղ, կարելի է ասել, սովորողները տարաբնույթ աշխատանքներով էին զբաղված։ Մի մասը գորգագործության դասին թղթի վրա արված էսքիզը տպեց կտորի վրա, որպեսզի աշխատեն, սովորողների մյուս մասն էլ զբաղված էր հայկական զարդանախշերով կարպետ գործելով: Ապա մեր խումբը բրուտանոցում ավարտին հասցրեց սկսած աշխատանքները: Ի դեպ, քանի որ վաղը մեր ջոկատում հանդիպում-բաց դաս է սպասվում «Վան» ազգարական երգի-պարի խմբի հետ, մենք պատրաստվում էինք՝ նորից հիշելով ազգային երգերն ու պարերը, կոմիտասյան տասը երգերը:
Քանի որ սկսվել է «Թարգմանչական ստուգատեսը», ընկեր Ալլայի և ընկեր Լուսինեի ջոկատները թարգմանություն էին անում անգլերենից և ռուսերենից, իսկ ընկեր Անուշի ջոկատում արդեն ստուգատեսի հայտերն էին լրացնում: Ընկեր Հերմինեի ջոկատը ավարտել էր իր աշխատանքները, այդ պատճառով ինտելեկտուալ խաղեր էին խաղում: Երևի թե ամենահետաքրքիր մթնոլորտը ընկեր Լիլիթի ջոկատում էր, նրանք բատիկա ներկերով կտորի վրա իրենց ջոկատի դրոշն էին պատկերում: Ընկեր Էմանուելն էլ աշխարհագրական մենամարտեր դասի շրջանակում շատ հետաքրքիր ու պատկերավոր կերպով բացատրում էր մոլորակների մասին։
Հեղինակ՝ Մարնե Իշխանյան։
Հետաքրքիր է․․․
«Լույսի մոլորակ» էքսպոյից
Միդինֆոյի մեդիալրագրողները խոհանոցում են. պատրաստում են Ասիլ Վասիլներ. տեսանյութ
Ճամբարային լուսաբանում